Pais de zombis | Purnas en o zierzo

Pais de zombis

Iste ye un pais de zombis. Zombis surreals y amorfos. Partius zombis como lo PAR que no se presenta a las eleccions europeas por Aragon pero si que se presentan a las eleccions catalanas por Lleida. Televisions zombis que presentan a nueit d’animas como si estase un show rematau de plegar dende Estatos Chunitos en cuenta de esplanicar l’orichen y a tradicion d’as crabazas en Aragon. Tan zombis son de vegadas os nuestros meyos de comunicacion que de vegadas parixen feitos dende Chapon. Zombis como os que se paseyan con a bandera rojigualda vestius de soldaus d’a Guerra d’o Frances, encara que en ixe inte d’a storia no s’emplegase ixa bandera y lo sentimient que levo a os aragoneses a luitar contra o frances no estase precisament lo sentimient espanyol.

Por si estase-nos poca chent os de No Hablamos Catalán han decidiu creyar un partiu politico que se dicira VIA. Como ya sapemos que no saben contar, amas de no saper catalan, no mos sosprende que tampoco no saban escribir en castellan, como dixa esclatero o suyo manifiesto fundacional, tot un omenache a l’umor mas tradicional de Esteso, Pajares y mesmo Arevalo. As faltas ortograficas y gramaticals son orichinals d’ells, encara que puedan correchir-las dimpues.

El Presidente Marcelino Iglesias (PSOE) se pluriemplea mientras dice que su principal objetivo luchar contra el paro y abandona la atención que presta a Aragón, la Comunidad que preside…

así al nefasto concepto de Paisos Catalans y llendo en contra del discurso de unión que transmitió durante el debate de la Ley de Lenguas.

Por suerte ta totz os aragoneses ellos mos adugaran por o camin d’a prosperidat, porque, amas, son adivinos.

Ante esta situación L’VIA se presenta como alternativa política, por coherencia, por su independencia de los poderes fácticos, por honestidad y por una clara devoción por solucionar y prever los futuros problemas de todos y cada uno de los aragoneses.

Iste pais ye un pais de zombis. No tiengo garra duda.

Visto en: http://www.purnas.com/2010/11/01/pais-de-zombis/#ixzz147mC2zid

Pais de zombis | Purnas en o zierzo.

Social Widgets powered by AB-WebLog.com.

La Franja