En lo momento periodistico que vivimos quasi ni s’amagan las intencions dezaga d’os titulars. En un d’ixos diarios dichitals que tanto amaneixen en grupos de WhatsApp y retz socials, una periodista titulaba “El catalán puntúa como el inglés para elegir plaza en el Ayuntamiento de Zaragoza” con caboliosa intención de fer encarranyar-se a lo publico obchectivo d’ixe medio. A yo, lo puet tener seguro, m’encarranyó prou. ¿Cómo se puet consentir que anglés y catalán den los mesmos puntos? ¿En qué sociedat vivimos? ¿Ye que no somos conscients d’a importancia d’as luengas? Pa yo no i hai discusión posible y a fe que todas las lectoras seretz d’acuerdo que lo catalán habría de dar mas puntos que no l’anglés. Todas dos son luengas igual de respetables como toda la resta, pero qui sabe catalán, antimás de conoixer-ne una, ye colaborando a protecher un patrimonio cultural propio d’Aragón que ye en serio periglo. Ye fendo posible mantener un herencio lingüistico milenario que sobrevive malament en la nuestra tierra, mientras que l’anglés tien la suya supervivencia asegurada. No nomás por estar la luenga de l’imperio, la mas aprendida d’o mundo y una d’as mas fabladas, sino porque, a diferencia d’o catalán, todas las ninas y ninos la estudean obligatoriament en las escuelas encara que no siga una d’as luengas oficials d’Aragón.
Related Posts
Un gran projecte musical dels germans Flores* » Temps de Franja
- admin
- 29 abril 2020
- 1 min read
- 0
TweetSource: Un gran projecte musical dels germans Flores* » Temps de Franja
Fomento negocia para retomar las obras de la N-232 antes de seis meses
- admin
- 30 setembre 2011
- 1 min read
- 0
TweetFomento negocia para retomar las obras de la N-232 antes de seis meses.
Temps de Franja 115
- admin
- 10 novembre 2012
- 1 min read
- 0
TweetTemps de Franja 115. Open publication – Free publishing – More aragon
Ignacio Belanche: Contrato de río (Matarranya)
- admin
- 2 desembre 2015
- 3 min read
- 0
TweetOrigen: Contrato de río Contrato de río El pasado 4 de noviembre se celebró en […]