{"id":12309,"date":"2013-06-19T10:17:12","date_gmt":"2013-06-19T08:17:12","guid":{"rendered":"http:\/\/www.lafranja.net\/?p=12309"},"modified":"2013-06-19T10:17:12","modified_gmt":"2013-06-19T08:17:12","slug":"los-draps-tornan-en-iste-artieda-2013-esfendemos-a-tierra","status":"publish","type":"post","link":"https:\/\/www.lafranja.net\/?p=12309","title":{"rendered":"\u00bb LOS DRAPS tornan en iste Artieda 2013 \u2013 Esfendemos a Tierra"},"content":{"rendered":"

\u00bb LOS DRAPS tornan en iste Artieda 2013 \u2013 Esfendemos a Tierra<\/a>.<\/p>\n

LOS DRAPS<\/strong><\/h1>\n

 <\/p>\n

Una d\u2019a collas m\u00e1s popular en os zaguers anyos, anuncia que tornar\u00e1 t\u2019os escenarios principiando en o Festival Esfendemos a Tierra. Los Draps ye una d\u2019as sorpresas que hemos parau ta ista zaguera edicion, pues se trata d\u2019una d\u2019as collas mas conoixidas en o Pa\u00eds. As suyas letras en catal\u00e1n han estau himnos de luita ta muitas cheneracions. O grupo prencipio en l\u2019anyo 1992 tocando en as fiestas d\u2019os lugars d\u2019o Matarranya y arredols, fendo sobre tot versions de cantas d\u2019atros grupos.En 1997 o grupo fue establito oficialment, estando a primera actuaci\u00f3n d\u2019o grupo en o estiu de 1998 en Penyarroya chunto con as collas deAzero<\/em> y Artrosis<\/em>.<\/p>\n

 <\/p>\n

\"\"En o estiu de 2000 se grav\u00f3 a maqueta \u201cTerra de Frontera\u201d y se fan conciertos importants por toda a cheograf\u00eda d\u2019a Francha y atros puestos como as Islas Balears. En febrero de 2004 gravoron a canta \u201cMatarranya\u201d, poes\u00eda d\u2019o poeta Desideri Lombarte, natural de Penyarroya. Se fan gravacions de temas como \u201cCultura Popular\u201d, \u201cRevoluci\u00f3\u201d (Revoluci\u00f3n<\/em>) y \u201cFeixistes\u201d (Faxistas<\/em>). O suyo primer disco \u201cNo mos fareu callar!\u201d (No mos faretz callar!<\/em>) apareixe en 2006, o disco incluye 11 cantas en catal\u00e1n y una, Entalto lo pueblo<\/em> en aragon\u00e9s y destacan as colaboracions de Kapi<\/em> (Azero), Isa<\/em>, Miguel<\/em> y Chabi<\/em> (Prau), Kaspas<\/em> (Visi\u00f3n T\u00fanel), Josep<\/em> (Temps al Temps) y Jandro<\/em> (Mallac\u00e1n).<\/p>\n

 <\/p>\n

En os VIII Premios d\u2019a Mosica Aragonesa 2006 reciben o premio a la millor canta en luenga minoritaria d\u2019Arag\u00f3n por Cultura popular, y en noviembre de tornan a dentrar en o estudeo para rechistra \u201cUn crit a o vent\u201d,canta inedita que s\u2019incluir\u00e1 en \u201cSons d\u2019o Matarranya,\u201d un recopilatorio feito expresament ta promover a mosica en catal\u00e1n d\u2019Arag\u00f3n.<\/p>\n

 <\/p>\n

Dos anyos dimpu\u00e9s d\u2019o suyo zaguer disco, os Draps tornan con \u201cUn crit al vent\u201d. \u201d Rasmia, compromiso y luita son as tres bases que caracterizan a la ya consolidada formazi\u00f3n mosical d\u2019o Matarranya, que ixe anyo fan os suyos 10 anyos d\u2019historia como grupo dencima d\u2019os escenarios. Yera un disco estructurado en quince cortes mosicals an l\u2019agresividad d\u2019as guitarras y as melod\u00edas d\u2019a dulzaina, que siempre han caracterizado a la formaci\u00f3n, van pilladas d\u2019a man d\u2019una voz y unas letras directas como nunca. Quince cantas que no pasan inadvertidas, entre el qual resaltamos Resist\u00e8ncia, Quina Hist\u00f2ria u Acata\u00b4t-en. Todas as letras son en catal\u00e1n a excepci\u00f3n d\u2019Isto ye \u201cen aragon\u00e9s\u201d y Garaipenera arte \u201cen vasco\u201d.<\/p>\n

 <\/p>\n

Fuerza, compromiso y luita son as tres bases que caracterizaban a la formaci\u00f3n mosical d\u2019o Matarranya, y que en iste Atieda 2013 podremos ascuitar una vegada m\u00e1s. Una colla con mas de 70 conciertos y que ha compartiu cartel con grupos como koma, mallacan, piperrak, soziedad alkoholika, obrint pas, prau, banda bassotti, betagarri, oprimits u habeas corpus. Os draps tornan con as mesmas ganas que los han visto creixer como grupo y como personas.<\/p>\n

 <\/p>\n

 <\/p>\n

 <\/p>\n

 
\n