{"id":3156,"date":"2010-02-13T10:48:56","date_gmt":"2010-02-13T08:48:56","guid":{"rendered":"http:\/\/www.lafranja.net\/?p=3156"},"modified":"2010-02-13T10:48:56","modified_gmt":"2010-02-13T08:48:56","slug":"a-consellera-broto-emplega-l%e2%80%99aragones-y-o-catalan-en-as-cortes-purnas-en-o-zierzo","status":"publish","type":"post","link":"https:\/\/www.lafranja.net\/?p=3156","title":{"rendered":"A consellera Broto emplega l\u2019aragon\u00e9s y o catal\u00e1n en as Cortes | Purnas en o zierzo"},"content":{"rendered":"
A consellera Broto emplega l\u2019aragon\u00e9s y o catal\u00e1n en as Cortes<\/h2>\n
No fa guaire tiempo, en setiembre, se zilebraba o Diya Europeo d\u2019as Luengas. Ixe diya, a conseller\u00eda de Cultura dezidi\u00f3 que as luengas a remerar yeran totas menos l\u2019aragon\u00e9s y o catal\u00e1n<\/a>. A titular d\u2019a Conseller\u00eda, Mar\u00eda Victoria Broto, mesmo refusaba anomenar por o suyo nombre ixas luengas a custions d\u2019os periodistas sobre la lei de luengas que encara no yera aprebada.<\/p>\n
Pero a politica tien istas cosas, y agora, como titular de Cultura, a Mar\u00eda Victoria Broto li pertoca esfender a esbafada lei de luengas aprebada por PSOE y CHA, cosa que ha feito carra\u00f1ar-se i muito a o sozio d\u2019o Gobierno, o PAR y a la dreita espa\u00f1olista, o PP. IU, que bot\u00f3 en contra d\u2019a lei, ha pasau a un segundo plano, porque fer frente com\u00fan con PAR y PP en custi\u00f3n de luengas ye fer frente com\u00fan contra a zenzia y a ziudadania aragonesa que no nom\u00e1s charra castell\u00e1n.<\/p>\n
G\u00fc\u00e9 en as Cortes, y deb\u00e1n d\u2019una pregunta feita por o PP, Mar\u00eda Victoria Broto ha esplanicau como estar\u00e1 una mica o desembolique d\u2019a lei y a creyazi\u00f3n d\u2019os organismos que fer\u00e1n posible ixe desembolique. Pero a sospresa ha estau en rematar o suyo discurso, cuan, fendo onra a las luengas d\u2019Arag\u00f3n ha feito un chicot discurso primer en catal\u00e1n y dimpu\u00e9s en aragon\u00e9s.<\/p>\n