L\u2019atro diya sentiba a o conceller d\u2019o PP en Zaragoza Julio Calvo charrar d\u2019a necesidat de fer un memorial a os muertos d\u2019os Sitios 1808. Tami\u00e9n dici\u00f3 atras cosas, como que s\u2019heba de sustituir a Cincomarzada por atra fiesta, pero ixe ye atro tema. Lo que me truc\u00f3 o ficacio d\u2019o charrazo de Calvo esti\u00f3 que chustificaba a creyaci\u00f3n d\u2019iste memorial porque en o puesto an que son enterraus os muertos d\u2019os Sitios no bi\u2019n ha garra placa ni remeranza d\u2019ells, y encara dici\u00f3 m\u00e1s, porque dici\u00f3 que a la zona se la conoixe como \u201cFosal de Macanaz\u201d.<\/p>\n
Julio Calvo (PP) y o Fosal de Macanaz<\/a><\/p>\n Por cierto, que a parola fosal ye recullida por a RAE<\/a> como aragonesismo rural, como tantas atras parolas de l\u2019aragon\u00e9s que o castell\u00e1n oficial ha incorporau a o suyo diccionario en un gran triballo d\u2019aculturaci\u00f3n, feito, am\u00e1s, por bells quantos directors d\u2019a RAE d\u2019orichen aragon\u00e9s.<\/p>\n Ye curioso como una luenga, que seguntes toda la chent que ye en contra d\u2019a normalizaci\u00f3n de l\u2019aragon\u00e9s nunca no se ha charrau en Zaragoza, ha dau nombre a zonas d\u2019a ciudat<\/a>. Como ixe fosal, que no yera l\u2019unico, porque cada parroquia teneba o suyo como consta en a documentaci\u00f3n, u os vicos de Valdefierro, Reboler\u00eda, a carrera Pabostr\u00eda, la Noguera, o camin d\u2019as Torres, La Huega de Villamayor, Utebo y atras muitas. Am\u00e1s de totas as que reculle a documentaci\u00f3n y que dimpu\u00e9s han cambeau de nombre, como Botigas Fondas, Archenter\u00eda, y atras muitas.<\/p>\n Como ixa luenga no ha existiu y nunca no s\u2019ha charrau en Zaragoza, en l\u2019archivo d\u2019a ciudat de Zaragoza, tot o que ye escrito en aragon\u00e9s amaneixe con atro nombre<\/a>, o de luenga \u201cromance\u201d, porque asinas be d\u2019estar que ye m\u00e1s facil continar con a falsedat de que nunca no s\u2019ha charrau ixa luenga. Y encara m\u00e1s, como nunca l\u2019aragon\u00e9s ha baixau d\u2019as montanyas, be d\u2019estar cosa de machia que en Valencia bi\u2019n haiga tantos aragonesismos como replega iste blog<\/a> y como esplanica o suyo autor, Jordi Juli\u00e0 en Arredol.<\/a><\/p>\n Son cosas d\u2019ixas luengas, como l\u2019aragon\u00e9s, que no existen, que dan nombre a cosas en puestos an que nunca no s\u2019han charrau y plegan a deixar parolas en territorios ignotos. U ixo, u ye que ye m\u00e1s facil dicir que una cosa no existe pas ta poder ignorar-la, no haber de lechislar-la, y tener argumentos falsos ta dispreciar una parte important d\u2019a nuestra cultura, no siga cosa que descubrindo que existe, existi\u00f3 y se charr\u00f3 por tot o pa\u00eds y dill\u00e1, mos pleguemos a pensar cosas estranias.<\/p>\n