{"id":9706,"date":"2012-07-04T13:12:28","date_gmt":"2012-07-04T11:12:28","guid":{"rendered":"http:\/\/www.lafranja.net\/?p=9706"},"modified":"2012-07-04T13:12:28","modified_gmt":"2012-07-04T11:12:28","slug":"o-mundo-de-laragones-debant-da-nueva-lei-de-no-luengas-arredol","status":"publish","type":"post","link":"https:\/\/www.lafranja.net\/?p=9706","title":{"rendered":"O mundo de l\u2019aragon\u00e9s debant d\u2019a nueva lei de no-luengas | Arredol"},"content":{"rendered":"

O mundo de l\u2019aragon\u00e9s debant d\u2019a nueva lei de no-luengas | Arredol<\/a>.<\/p>\n

A mayor\u00eda d’as asociacions creye un trango ta zaga iste prochecto, acusau d’indeterminau, y de enrestida contra l’aragon\u00e9s y o catal\u00e1n<\/p>\n

4 julio, 2012 | <\/span> | <\/span> Autor: Arredol | <\/span> \"\"<\/a><\/span><\/div>\n

As asociacions de l\u2019aragon\u00e9s han feito publicos comunicaus y manifiestos ta amostrar a suya posici\u00f3n debant d\u2019a lei de no-luengas que o gubierno PP-PAR . Os comunicaus os reproducimos integros y talcual han plegau ta la redacci\u00f3n, con a grafia emplegada por cadag\u00fan. Dende Arredol, am\u00e1s hemos fablau con bells d\u2019os suyos riprensetants ta que mos esplaniquen una mica m\u00e1s a posici\u00f3n debant d\u2019o abantprochecto de lei<\/a>, que o Consello Escolar d\u2019Arag\u00f3n<\/a> ha refusau por indeterminau.<\/p>\n

Nogar\u00e1<\/h3>\n

L\u2019Asociaci\u00f3n Cultural Nogar\u00e1-Religada quiere manifestar a suya funda preocupaci\u00f3n per o que s\u2019ha puesto conoixer de l\u2019Abantprochecto de Lei d\u2019uso, protecci\u00f3n y promoci\u00f3n d\u2019as luengas y modalidatz ling\u00fcisticas propias d\u2019Arag\u00f3n, anunciau per o Gubierno d\u2019Arag\u00f3n, y que suposa a derogaci\u00f3n total d\u2019a Lei 10\/2009, aprebada en l\u2019anterior lechislatura, exposando que:<\/p>\n

– Ye un feito scientificament documentau y bien conoixiu en o mundo academico que en Arag\u00f3n conviven historicament, en chunto a lo castellano, dos luengas romanicas bien caracterizadas y diferenciadas entre ellas y d\u2019o castellano, que son luengas propias, orichinals y historicas d\u2019a nuestra comunidat autonoma: Una luenga privativa d\u2019Arag\u00f3n, que s\u2019ha denominau historicament aragon\u00e9s, y unatra luenga, que compartida con atros territorios d\u2019a Corona d\u2019Arag\u00f3n, ye conoixida internacionalment como catal\u00e1n.<\/p>\n

– A luenga aragonesa, historicament emplegada en quasi tot o territorio, y utilizada, con iste nombre, como luenga administrativa d\u2019o Reino y as suyas institucions entre la Edat Meya, fue substituida per o castellano en buena parte d\u2019Arag\u00f3n, pero ye encara viva en qualques comarcas d\u2019o nuestro territorio y s\u2019expresa en quantas variedatz, que son partes constitutivas de l\u2019aragon\u00e9s. Parlar ixas variedatz ye fer servir distintas formas d\u2019una mesma luenga, que tiene o nombre historico y scientifico de luenga aragonesa.<\/p>\n

– A luenga aragonesa, per a suya fragmentaci\u00f3n y a perda de transmisi\u00f3n cheneracional, ye seriosament menazada.\u00a0 Iste periglo de desaparici\u00f3n d\u2019un patrimonio cultural unico ye tami\u00e9n motivo de preocupaci\u00f3n internacional. Asinas, a UNESCO etiqueta l\u2019aragon\u00e9s como seriously endangered <\/em>en o suyo Atlas Ling\u00fcistico Mundial d\u2019as Luengas en Periglo, indicando un imminent periglo d\u2019extinci\u00f3n. O Comit\u00e9 de Ministros d\u2019o Consello d\u2019Europa tami\u00e9n ha manifestau a suya preocupaci\u00f3n debant d\u2019a situaci\u00f3n d\u2019as luengas propias d\u2019Arag\u00f3n, demandando explicitament a o Reino d\u2019Espanya, como sinyant d\u2019a Carta Europea d\u2019as Luengas Rechionals u Minoritarias, una bastida churidica especifica que permita a protecci\u00f3n d\u2019o catal\u00e1n y l\u2019aragon\u00e9s.<\/p>\n

– L\u2019abantprochecto presentau per o Gubierno d\u2019Arag\u00f3n, elimina as denominacions d\u2019as luengas propias d\u2019Arag\u00f3n bien establidas per a tradici\u00f3n filolochica y ling\u00fcistica, y que s\u2019han veniu emplegando sistematicament en a lechislaci\u00f3n aragonesa, as institucions scientificas, a UNESCO, o Consello d\u2019Europa, y o propio Gubierno Espanyol en os suyos informes sobre o cumplimiento d\u2019a Carta Europea d\u2019as Luengas Rechionals u Minoritarias.\u00a0 As denominacions \u201clengua aragonesa propia d\u2019a zona pirenaica y prepirenaica de la comunidad aut\u00f3noma\u201d y \u201clengua aragonesa propia de la zona oriental de la comunidad aut\u00f3noma\u201d son circumloquios sin sentiu que creyan confusi\u00f3n con a denominaci\u00f3n d\u2019a luenga aragonesa, fendo creyer que as dos luengas propias d\u2019Arag\u00f3n fan parte d\u2019un mesmo sistema ling\u00fcistico. Amagar o nombre d\u2019as luengas y a suya filiaci\u00f3n no contribuyen brenca a la normalizaci\u00f3n y dignificaci\u00f3n de l\u2019uso d\u2019as mesmas ni a la consciencia d\u2019os suyos parladors, fundamental pa asegurar a transmisi\u00f3n cheneracional y per tanto, a suya conservaci\u00f3n.<\/p>\n

– L\u2019amostranza de l\u2019aragon\u00e9s en as escuelas d\u2019as zonas d\u2019uso ye una condici\u00f3n necesaria y urchent, que s\u2019ha de meter en marcha immediatament si se quiere dar a l\u2019aragon\u00e9s una oportunidat de supervivencia. Si a lei vichent no guarenciaba iste punto, y no s\u2019han cumpliu tampoco os termins a los quals obligaba, a nueva propuesta encara rebaixa mas as oportunidatz d\u2019as nuevas cheneracions d\u2019aprender a luenga propia d\u2019as suyas familias y lugars, condenando a l\u2019aragon\u00e9s a la extinci\u00f3n per falta de transmisi\u00f3n cheneracional.<\/p>\n

– Unatro aspecto que chenera gran preocupaci\u00f3n ye a existencia d\u2019una sola Academia Aragonesa de la Lengua<\/em>, encargada de fixar a norma ling\u00fcisticas d\u2019as dos luengas propias, que puede esdevenir en situacions absurdas como a necesidat de regular bellas decenas de variedatz ling\u00fcisticas, u mesmo a creyaci\u00f3n d\u2019una mesma norma ling\u00fcistica pa dos la dos luengas propias d\u2019Arag\u00f3n.<\/p>\n

– Pa rematar, a desaparici\u00f3n de dreitos ling\u00fcisticos que guarencia a lei vichent, ye un paso enta zaga en la dignificaci\u00f3n de l\u2019uso, a promoci\u00f3n y a preservaci\u00f3n de l\u2019aragon\u00e9s, que son suposadament os obchectivos d\u2019ista lei. Antiparte, a desaparici\u00f3n d\u2019istos dreitos suposa un incumplimiento d\u2019os articlos d\u2019a Carta Europea d\u2019as Luengas Rechionals u Minoritarias, tractau internacional ratificau per o Parlamento espanyol.<\/p>\n

Per ixo, l\u2019Asociaci\u00f3n Cultural Nogar\u00e1-Religada exiche a o Gubierno d\u2019Arag\u00f3n que desembolique, cumpla y faiga cumplir a lechislaci\u00f3n vichent, y que qualsiquier modificaci\u00f3n que se faiga a la mesma en l\u2019exercicio d\u2019a suya iniciativa lechislativa vaiga siempre en o sentiu de guarenciar a supervivencia u l\u2019uso normal d\u2019as luengas propias d\u2019Arag\u00f3n, y equiparar os dreitos d\u2019os parladors d\u2019Aragon\u00e9s y Catal\u00e1n con os d\u2019a resta de ciudadans d\u2019Arag\u00f3n.<\/p>\n

O Trango<\/h3>\n

As luengas propias d\u2019Arag\u00f3n, y m\u00e1s que m\u00e1s l\u2019aragon\u00e9s, se troban en una embolicada situazi\u00f3n ling\u00fcistica y sozioling\u00fcistica deban d\u2019a presenzia de l\u2019espa\u00f1ol como luenga domin\u00e1n y a escasa transmisi\u00f3n chenerazional. G\u00fce por g\u00fce, a UNESCO contina ficando l\u2019aragon\u00e9s en o listau d\u2019as 7.000 luengas en risgo de disparixer mientras o sieglo XXI, estando a luenga que m\u00e1s pelingro tien en Europa Ozidental.<\/p>\n

Dende a nuestra asoziazi\u00f3n, siempre emos esfendiu una autuazi\u00f3n que guaranzie t\u2019as luengas propias d\u2019Arag\u00f3n uns dreitos parellanos a os que tiene o castellano, si bien creyemos menester que en o caso d\u2019a luenga se prautique una politica de discriminazi\u00f3n positiba que aduye a fer menor l\u2019azelerau proz\u00e9s de perdida que en tiene.<\/p>\n

En iste sentiu, y dimpu\u00e9s de presentar-se o nuebo esborrador de Lei de Luengas d\u2019Arag\u00f3n, dende l\u2019Asoziazi\u00f3n Cultural O Trango queremos meter de manifiesto os rasgos de dita lei que nos leban a considerar-la como insufizi\u00e9n en o respeutibe a la protezi\u00f3n y guaranzia d\u2019a superbibenzia d\u2019a luenga aragonesa.<\/p>\n

O texto tiene asaberlo de limitazi\u00f3ns en materia d\u2019educazi\u00f3n. Asinas, no se guaranzia o dreito a l\u2019amostranza\u00a0en\u00a0as luengas propias (articlo 12). Tami\u00e9n xublida tanto a importanzia d\u2019o conoximiento d\u2019a reyalidat ling\u00fcistica en a comunidat aragonesa como o menester d\u2019estudios espezializaus toc\u00e1n a las luengas propias en dembas unibersitaires (sacando l\u2019articlo 24 y parte d\u2019o 22 de l\u2019anterior texto lechislatibo). Atro aspeuto a si\u00f1alar ye a manca de prezisi\u00f3n con respeuto a o escomenzipio de l\u2019amostranza\u00a0de\u00a0as luengas propias en os pa\u00edses d\u2019emplego istorico.<\/p>\n

O debanproyeuto talla asabelo de dreitos en a demba de l\u2019Administrazi\u00f3n. Encara que os fabladors pueden endrezar-se t\u2019as administrazi\u00f3ns publicas en as luengas propias, no se guaranzia a rispuesta d\u2019istas en a mesma (articlos 18 y 19). Antim\u00e1s, queda sacau o punto 5 de l\u2019articlo 27 d\u2019a lei anterior, en o que se guaranziaba estendillar formularios y textos administratibos d\u2019emplego cutiano en as luengas propias d\u2019Arag\u00f3n u en bersi\u00f3ns biling\u00fces. Ta rematar, tampoco no se guaranzia a publicazi\u00f3n triling\u00fce d\u2019os documentos ofizi\u00e1ls d\u2019as administrazi\u00f3ns publicas (articlo 17).<\/p>\n

Toc\u00e1n a os meyos de comunicazi\u00f3n, creyemos que ser\u00eda menester que o texto promobese l\u2019emplego y dinificazi\u00f3n d\u2019as luengas propias en os pa\u00edses d\u2019emplego istorico a trabi\u00e9s de desconexions territorials con programazi\u00f3n en ditas luengas, asinas como contenius informatibos y dibulgatibos en tot o territorio.<\/p>\n

Antiparti, iste debanproyeuto presenta una notable manca de rigor en emplegar de contino a esprisi\u00f3n\u00a0\u201czona de utilizaci\u00f3n hist\u00f3rica predominante\u201d\u00a0de l\u2019aragon\u00e9s enreligada ta l\u2019\u00e1rea septentrional pirenaica y prepirenaica (articlos 2.2 y 5.a), cuan istoricam\u00e9n ista luenga se fabl\u00f3 en toda a comunidat autonoma (fueras d\u2019a zona oriental) antim\u00e1s d\u2019atras rechi\u00f3ns como parti de Nabarra y puntos de l\u2019interior d\u2019a Comunidat Balenziana y mesmo Murzia.<\/p>\n

Ta rematar, queremos reiterar que iste debanproyeuto de Lei, d\u2019a mesma traza que l\u2019anterior\u00a0Ley 10\/2009 de 22 de diciembre de uso protecci\u00f3n y promoci\u00f3n de las lenguas propias de Arag\u00f3n, fote os dreitos ling\u00fcisticos d\u2019os fabladors d\u2019aragon\u00e9s mesos en a\u00a0Declarazi\u00f3n Unibersal de Dreitos Ling\u00fcisticos\u00a0aprebada por a UNESCO ta desichir a ofizialidat d\u2019istas luengas en os paises en os que se fablan: (Articlo 15, punto 1)\u00a0Toda comunidat ling\u00fcistica tiene dreito a que a suya luenga siga feita serbir como ofizial dentro d\u2019o suyo territorio. Por tot isto, en un futuro proximo enzetaremos aizi\u00f3ns.<\/p>\n

Sociedat de Ling\u00fcistica Aragonesa<\/h3>\n

Una vegada conoixiu o texto reformau d\u2019a Lei de Luengas,\u00a0\u00a0Sociedat de Ling\u00fcistica Aragonesa, con siede en Graus, trobada en Secastilla en a suya Asambleya anyal, deseya manifestar ta la opini\u00f3n publica as consideracions siguients:<\/p>\n

-Creyemos positivo que a la fin no s\u2019haiga derogau dita lei.<\/p>\n

-Creyemos que o feito de no clamar especificament por o nombre que en filoloch\u00eda lis pertoca a las luengas autoctonas ha estau un retalle, torpe y que no se\u2019n amenistaba, motivau por custions extraling\u00fcisticas.<\/p>\n

-Asinas mesmo, trobamos entivocada a eliminaci\u00f3n d\u2019una autoridat ling\u00fcistica ta las fablas de l\u2019Alto Arag\u00f3n, se diga como se diga, ya que en a critica situaci\u00f3n d\u2019as mesmas, s\u2019amenista establir un ente scientifico que actue en un urchent y inmediato proceso de planificaci\u00f3n ling\u00fcistica.<\/p>\n

-A la fin, creyemos que a responsabilidat de como s\u2019ha feito tot iste proceso de creyaci\u00f3n y aprebaci\u00f3n d\u2019una lei de luengas en Arag\u00f3n, caye de raso sobre qui ha puesto fer-lo china chana y con sensatez, en o suyo inte, y lo rezagaron y precipitoron de traza irresponsable por motivos electorals, muito m\u00e1s que en qui agora no ha feito que aplicar o suyo programa electoral.<\/p>\n

Chus\u00e9 Raul Us\u00f3n<\/strong><\/p>\n

Ta Us\u00f3n \u201cyera de dar que iste gubierno teneba platero que quereba retallar a lei anterior\u201d. Una lei, que seguntes l\u2019editor de Xordica, yera un mal menor y que plegaba \u201cmuitos anyos dimpu\u00e9s d\u2019os primers trangos, muitos anyos que no s\u2019heban aproveitau dende os primers gubiernos de Marraco, a declaraci\u00f3n de Mequinenza u a conselleria de Bada\u201d, pero yera una lei que se faci\u00f3 \u201ctardi y mal\u201d. \u00a0Seguntes Us\u00f3n, \u201ccal fer pedagoch\u00eda d\u2019a luenga, y a lo menos un desembolique d\u2019a lei anterior que \u201cyera curta, pero no como ista, que suposa un astralazo, con a supresi\u00f3n d\u2019o Consello Superior d\u2019as Luengas y d\u2019as Academias particlars de cada luenga\u201d.<\/p>\n

Pero am\u00e1s, a ran presonal, y tami\u00e9n colectivo, a Chus\u00e9 Ra\u00fal Us\u00f3n li preocupa a situgaci\u00f3n d\u2019o movimiento de l\u2019aragon\u00e9s. \u201cCal repensar\u201d, mos diz, \u201ca responsabilidat que tenemos en a situgaci\u00f3n d\u2019a luenga ta que no s\u2019amorte de raso\u201d y fer treslau ta la sociedat d\u2019ista responsabilidat. Si a nueva lei de no-luengas \u201cno creya ixa academia de l\u2019aragon\u00e9s, cal creyar un observatorio scientifico de l\u2019aragon\u00e9s, que siga un referent y que mos faiga plegar t\u2019alcuerdos que faigan pervivir l\u2019aragon\u00e9s\u201d.<\/p>\n

\u00a0Consello d\u2019a Fabla Aragonesa<\/h3>\n

A Chunta Direutiba d\u2019o Consello d\u2019a Fabla Aragonesa, reunita d\u2019urchenzia o d\u00eda\u00a025 de chunio ta desaminar e balurar o nuevo abamproyeuto de Lei de Luengas\u00a0presentato o d\u00eda 19 de chunio por o Gubierno d\u2019Arag\u00f3n, deseyea esprisar o\u00a0suyo permenamiento por as numbrosas restrizions que i fica, en contimparanza\u00a0con a bich\u00e9n Lei 10\/2009, d\u2019uso, proteuzi\u00f3n e promozi\u00f3n d\u2019as luengas propias\u00a0d\u2019Arag\u00f3n:<\/p>\n

1. Pasa de 36 \u00e1 25 articlos.<\/p>\n

2. Elimina cabos muito senificatibos d\u2019os Requilorios<\/p>\n

3. En puesto de referir-se \u00e1 l\u2019aragon\u00e9s e \u00e1 o catal\u00e1n, l\u2019abamproyeuto se\u00a0refiere \u00e1 \u201cras luengas e modalidaz ling\u00fcisiticas propias d\u2019Arag\u00f3n\u201d,\u00a0esprisi\u00f3n indeterminata, poco definita e tasam\u00e9n rigorosa.<\/p>\n

4. Reconoxe o dreito \u00e1 fer uso d\u2019as luengas e modalidaz ling\u00fcisticas\u00a0propias d\u2019Arag\u00f3n nom\u00e1s en as zonas d\u2019emplego istorico predomin\u00e1n,\u00a0cosa que resulta muito restritiba.<\/p>\n

5. Elimina l\u2019articlo 6 sobre tutela almenistratiba e chudizial ta protexer e fer\u00a0efeutibos os dreitos ling\u00fcisticos.<\/p>\n

6. En l\u2019articlo 5 abuega ra zona de l\u2019aragon\u00e9s \u00e1 ras \u201carias pirinenca e\u00a0prepirinenca\u201d, olbidando-se d\u2019os Semontanos.<\/p>\n

7. Elimina de raso o capetulo III que se referiba \u00e1 o Consello Superior d\u2019as\u00a0Luengas Propias d\u2019Arag\u00f3n: no bi ha denguna referenzia \u00e1 iste\u00a0organismo.<\/p>\n

8. S\u2019eliminan as Academias de l\u2019aragon\u00e9s e d\u2019o catal\u00e1n e, en o suyo\u00a0puesto, se creya solo que una, denominata \u201cAcademia Aragonesa d\u2019a\u00a0Luenga\u201d, que os primers miembros ser\u00e1n desinatos por as Cortes<\/p>\n

d\u2019Arag\u00f3n e por o Gubierno d\u2019Arag\u00f3n, con o que se politiza \u00e1 o masimo a\u00a0custi\u00f3n ling\u00fc\u00edstica.<\/p>\n

9. Por tot o testo, e muito si\u00f1aladam\u00e9n cuan fa referenzia \u00e1 l\u2019amostranza,\u00a0uso publico, meyos de comunicazi\u00f3n, etz. cambea o berbo \u201cse\u00a0guarenziar\u00e1\u201d por \u201cse fomentar\u00e1\u201d u \u201cse promober\u00e1\u201d, formulas que<\/p>\n

sochieren menor comprom\u00eds.<\/p>\n

10.\u00a0 En charrar d\u2019as diferens formas de promozi\u00f3n d\u2019as luengas (art, 11,\u00a0antis 20), antim\u00e1s de suprimir bels cabos, en toz,\u00a0 dimpu\u00e9s de do diz\u00a0\u201cluengas\u201d, adibe \u201ce modalidaz ling\u00fcisticas\u201d, cosa que caleba dar por<\/p>\n

supuesto; pero o emplego d\u2019a conchunzi\u00f3n copulatiba (no pas\u00a0disyuntiba) fa imbiable u muito dif\u00edzil a suya aplicazi\u00f3n.<\/p>\n

11. En l\u2019articlo 13 (antis 23) nom\u00e1s espresa de forma imprezisa que \u201cse\u00a0fomentar\u00e1 ra suya amostranza\u201d, pero elimina \u201ccomo materia integr\u00e1n d\u2019o\u00a0curriculo\u201d.<\/p>\n

12. Elimina l\u2019articlo 24 que feba referenzia \u00e1 ra presenzia d\u2019as luengas en os\u00a0estudios superiors e unibersitarios.<\/p>\n

13. Elimina o punto 3 de l\u2019articlo 26 que deziba que \u201co profesorato d\u2019as\u00a0luengas propias estar\u00e1 sozmeso \u00e1 o mesmo rechimen churidico que o\u00a0profesorato d\u2019as dem\u00e1s materias d\u2019o curriculo\u201d<\/p>\n

14. S\u2019eliminan os puntos 2, 3, 4 e 5 de l\u2019articlo 27, an que se concretaba o\u00a0uso publico d\u2019as luengas por os ziudadanos en as Instituzions e\u00a0Almenistrazions publicas aragonesas.<\/p>\n

15. Os conzellos podeban proponer (art. 3 d\u2019a Lei 10\/2009) a denominazi\u00f3nd\u2019a modalid\u00e1 ling\u00fc\u00edstica local; agora pueden establir (Desposizi\u00f3n\u00a0adizional primera d\u2019o nuevo abamproyeuto), dando dentrada \u00e1 ra opini\u00f3n<\/p>\n

de politicos en feitos azientificos.<\/p>\n

16. Se suprime a gradualid\u00e1, con plazos, en l\u2019aplicazi\u00f3n d\u2019a Lei (Desposizi\u00f3n\u00a0adizional terzera), asinas como l\u2019organo almenistratibo ta ra aplicazi\u00f3n\u00a0d\u2019a Lei (Desposizi\u00f3n adizional zinquena), o que puede estar endizio de\u00a0que bi ha una radita bolunt\u00e1 d\u2019aplicar-la.<\/p>\n

17. \u00c1 ra fin, introduze una \u201cDesposizi\u00f3n zircunduzidera\u201d por a que se\u00a0zircunduze a Lei 10\/2009 de Luengas propias d\u2019Arag\u00f3n.<\/p>\n

En resumen, \u00e1 o nuestro parixer, o testo ye muito restritibo, mica angluzioso,\u00a0mica rigoroso en o zientifico, politiza \u00e1 o masimo\u00a0 as custions ling\u00fcisticas e\u00a0resulta d\u2019aplicazi\u00f3n muito dif\u00edzil. Ye una sintesis d\u2019a bich\u00e9n Lei 10\/2009, pero\u00a0suprime puntos importans. En puesto d\u2019amparar e promober, suprime u abuega\u00a0os dreitos ling\u00fcisticos d\u2019os fabladors d\u2019as luengas minoritarias d\u2019Arag\u00f3n.<\/p>\n

Tanimientres enzide en l\u2019atomizazi\u00f3n, manca d\u2019una ambiesta clara de\u00a0conchunto, en no reconoxer a luenga aragonesa ni a\u00a0 luenga catalana e en\u00a0olbidar-se d\u2019o est\u00e1ndar supralocal ta uso en meyos\u00a0 de comunicazi\u00f3n, cursos\u00a0superiors de l\u2019amostranza e Almenistrazions publicas. Deseyamos por tanto\u00a0que s\u2019amillore e se complete en o tramite parlamentario. E una begata que\u00a0s\u2019aiga amillorato, s\u2019aplique. \u00c1 o nuestro chuizio no puede prezendir-se d\u2019o\u00a0reconoximiento espreso d\u2019a luenga aragonesa, a suya amostranza ha \u00e1\u00a0incluyir-se en o curriculo e tenerba que considerar-se o reconoximiento\u00a0d\u2019autoridaz ling\u00fcisticas ta o catal\u00e1n (deberba estar o Institut d\u2019Estudis Catalans)\u00a0e ta l\u2019aragon\u00e9s (creyemos que deberba estar o Consello Asesor de l\u2019Aragon\u00e9s,\u00a0organo responsable d\u2019a normatibizazi\u00f3n drento d\u2019o Consello d\u2019a Fabla\u00a0Aragonesa); en caso de tronar-lo \u00e1 creyar, deberban desinar os suyos\u00a0miembros entidaz academicas e d\u2019estudios contrastatas, reconoxitas e\u00a0representatibas: Unibersid\u00e1 de Zaragoza, Instituto\u00a0 d\u2019Estudios Altoaragoneses,\u00a0Consello d\u2019a Fabla Aragonesa, etz.<\/p>\n

O Consello d\u2019a Fabla Aragonesa se mete \u00e1 desposizi\u00f3n d\u2019o Gubierno d\u2019Arag\u00f3n\u00a0ta amillorar-lo en o posible e treballar dezididam\u00e9n por a dinificazi\u00f3n, a\u00a0proteuzi\u00f3n e a promozi\u00f3n d\u2019as luengas propis d\u2019Arag\u00f3n, e muito espezialm\u00e9n\u00a0d\u2019a luenga aragonesa, igual como biene fendo dende fa 36 a\u00f1adas.<\/p>\n

Chus\u00e9 Inazio Nabarro<\/strong><\/p>\n

Ta o president d\u2019o Consello d\u2019a Fabla Aragonesa a nueva lei ye un disparate, que choca con os dictamens d\u2019organismos internacionals, y mesmo contra os dreitos humans d\u2019os fablants de l\u2019aragon\u00e9s y o catal\u00e1n. Am\u00e1s, politiza de raso a luenga, deixando en os concellos a responsabilidat de dar nombre a las luengas, rebaixando una lei que si no yera a millor a lo menos \u201cyera ubierta ta ser amillorada y posar os alazetz d\u2019un futuro millor ta la luenga\u201d. En ixe sendito, o president d\u2019o Consello, \u00a0creye que \u201cencara somos a tiempo de modificar-la y amillorar-la\u201d.<\/p>\n

Francho Nagore<\/strong><\/p>\n

Ista nueva lei \u201cye una mala copia de l\u2019atra\u201d, diz Francho Nagore, que creye que \u201cye inadmisible\u201d y tami\u00e9n \u201cinaplicable\u201d ya que trestallan a luenga a voluntat politica d\u2019os concellos, porque \u201cbusca trafucar y trestallar, ta retallar os dreitos d\u2019os fablants\u201d y malmeter o largo proceso de recuperaci\u00f3n de l\u2019aragon\u00e9s.<\/p>\n

Ligallo de Fablans Zaragoza<\/h3>\n

Ligallo de Fablans de Zaragoza beye o debanprocheuto de a nueba lai de luengas como una oportunid\u00e1 politica ta silenziar o dreito de a poblazi\u00f3n aragonesa \u00e1 espresar-se en a suya lengua.<\/p>\n

Dende Ligallo de Fablans de Zaragoza, asoziazi\u00f3n que leba treballando por a reconoxedura, esfensa y espardidura de l\u2019aragon\u00e9s dende fa 30 a\u00f1adas, queremos fer publica a nuestra desconformid\u00e1 con o debanprocheuto de a nueba lai de luengas que quiere aprebar l\u2019autual Gubierno d\u2019Arag\u00f3n.\u00a0Si a lai aprebada en 2009 yera un chiquet insufizi\u00e9n trango ta la perbibenzia de l\u2019aragon\u00e9s, l\u2019aprebazi\u00f3n d\u2019a nueba lai proposada estar\u00e1 cuasi de seguras a suya carta de defunzi\u00f3n. Si con a lai de 2009 no li se atorgaba a nesezaria ofizialid\u00e1 \u00e1 l\u2019aragon\u00e9s, en a de 2012 sisqui\u00e1 li se clama por o suyo nombre y s\u2019imbenta o conzeuto de \u201cmodalidaz ling\u00fcisticas d\u2019emplego en l\u2019aria setentrional\u201d. O mesmo cal dizir en o causo d\u2019o catal\u00e1n, si bien iste no se troba en a situgazi\u00f3n de menaza de disaparizi\u00f3n d\u2019a luenga aragonesa (diz que una d\u2019as que m\u00e1s d\u2019Europa), ya que a suya bitalid\u00e1 y perbibenzia ye guaranziada grazias \u00e1 l\u2019empente d\u2019os nuestros bezinos.<\/p>\n

Diz o nuebo testo que se guaranziar\u00e1 l\u2019amostranza de l\u2019aragon\u00e9s en a suya \u201czona d\u2019emplego istorico\u201d, pero no sabemos pas c\u00f3mo lo i fer\u00e1 ni cu\u00e1la estar\u00e1 ixa \u201czona istorica\u201d (que en primeras abr\u00eda d\u2019estar cuasi tot o territorio aragon\u00e9s) y con car\u00e1uter nom\u00e1s que boluntario. Tami\u00e9n diz que os aragoneses podremos enfilar-nos \u00e1 l\u2019almenistrazi\u00f3n en a nuestra luenga (u \u201cmodalid\u00e1 ling\u00fcistica\u201d), pero l\u2019almenistrazi\u00f3n no tendr\u00e1 la obligazi\u00f3n de fer serbir a mesma luenga ta risponder-nos\u2026 qu\u00e9 buen gui\u00f3n ta una zinta de Bu\u00f1uel!<\/p>\n

Am\u00e1s de tot ixo, se prebeye a disaparazi\u00f3n de l\u2019Academia de l\u2019aragon\u00e9s y d\u2019o Consello Superior d\u2019as Luengas, y se creyar\u00e1 una Academia Aragonesa d\u2019a Luenga, ta normalizar igual l\u2019aragon\u00e9s que o catal\u00e1n d\u2019Arag\u00f3n. Puestos \u00e1 fer mezclallos estranios podr\u00edan incluyir-ie tami\u00e9n o castellano d\u2019Arag\u00f3n y prebar de normalizar as tres luengas de bez como si estasen una sola.<\/p>\n

Ta forro i bota<\/em>, a nueba academia ser\u00e1 formada por miembros eslechius por o Gubierno y as Cortes d\u2019Arag\u00f3n, sin contar-se con atras instituzions zientificas como a unibersid\u00e1, por o que ye de dar que estar\u00e1 prou politizidada. O Gubierno d\u2019Arag\u00f3n, dimpu\u00e9s de sentir as opinions d\u2019os conzellos, declarar\u00e1 as zonas d\u2019emplego istorico \u201csetentrional\u201d (aragon\u00e9s) y \u201coriental\u201d (catal\u00e1n), por o que tami\u00e9n en ista custi\u00f3n de seguras tami\u00e9n prebalezer\u00e1n os criterios politicos por denzima d\u2019os filolochicos. Aora, os alcaldes fer\u00e1n de ling\u00fcistas.<\/p>\n

Por tot o deb\u00e1n dito refusamos o testo d\u2019o debanprocheuto presentau y demandamos \u00e1 o Gubierno d\u2019Arag\u00f3n que empente de traza dezidida a reconoxedura, ofizialid\u00e1 y espardidura d\u2019a luenga aragonesa ta no dixar que s\u2019espalde, como un biello edifizio albandonau, una parti alazetal d\u2019o nuestro patrimonio cultural y esenzia como pueblo dende fa treze sieglos.<\/p>\n

Academia de l\u2019Aragon\u00e9s \u2013 Estudio de Filoloch\u00eda Aragonesa<\/h3>\n

L\u2019Estudio de Filoloch\u00eda Aragonesa no ha feito garra comunicau oficial sobre a nueva lei de no-luengas, pero si que podiemos charrar con o suyo president, Manuel Cast\u00e1n.<\/p>\n

Manuel Cast\u00e1n<\/strong><\/p>\n

Seguntes Cast\u00e1n \u201cl\u2019asunto no ha feto soque comenzar y calr\u00e1 esperar a vere c\u00f3m acaba. Ye evident que i hei bells retrocesos y el mes important que no se nombren las dos lluengas, la desaparici\u00f3n de las dos academias, etc\u201d. Manuel Cast\u00e1n quiere estar prduent \u201cperque l\u2019aragon\u00e9s ye a una situaci\u00f3n limite y cal aprofitar tota posibilidat que i haiga, dan lei, sin lei, dan una mala lei, dan una regular\u2026 En fin, que no mos podem posicionar de traza intransichent y que cal mirar de convencer, de fer pedagoch\u00eda, de cambiar posicions, de trobar aliaus ta l\u2019aragon\u00e9s y de estar chuntos y dan calma. Perque ye evident que, si trencam puents, se perder\u00e1n altros 4 anyadas y l\u2019aragon\u00e9s no se hu puede permitir.\u201d<\/p>\n","protected":false},"excerpt":{"rendered":"

O mundo de l\u2019aragon\u00e9s debant d\u2019a nueva lei de no-luengas | Arredol. A mayor\u00eda d’as asociacions creye un trango ta zaga iste prochecto, acusau d’indeterminau, y de enrestida contra l’aragon\u00e9s y o catal\u00e1n 4 julio, 2012 | | Autor: Arredol | As asociacions de l\u2019aragon\u00e9s han feito publicos comunicaus y manifiestos ta amostrar a suya […]<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"jetpack_post_was_ever_published":false,"_jetpack_newsletter_access":"","_jetpack_dont_email_post_to_subs":false,"_jetpack_newsletter_tier_id":0,"_jetpack_memberships_contains_paywalled_content":false,"_jetpack_memberships_contains_paid_content":false,"footnotes":"","jetpack_publicize_message":"","jetpack_publicize_feature_enabled":true,"jetpack_social_post_already_shared":false,"jetpack_social_options":{"image_generator_settings":{"template":"highway","default_image_id":0,"font":"","enabled":false},"version":2}},"categories":[37,12,11,4,5,159],"tags":[],"class_list":["post-9706","post","type-post","status-publish","format-standard","hentry","category-activisme","category-aragones","category-llei-de-llengues","category-llengues-a-arago","category-normalitzacio-del-catala","category-vadillo"],"jetpack_publicize_connections":[],"jetpack_featured_media_url":"","jetpack_sharing_enabled":true,"amp_enabled":true,"_links":{"self":[{"href":"https:\/\/www.lafranja.net\/index.php?rest_route=\/wp\/v2\/posts\/9706","targetHints":{"allow":["GET"]}}],"collection":[{"href":"https:\/\/www.lafranja.net\/index.php?rest_route=\/wp\/v2\/posts"}],"about":[{"href":"https:\/\/www.lafranja.net\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/www.lafranja.net\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/www.lafranja.net\/index.php?rest_route=%2Fwp%2Fv2%2Fcomments&post=9706"}],"version-history":[{"count":1,"href":"https:\/\/www.lafranja.net\/index.php?rest_route=\/wp\/v2\/posts\/9706\/revisions"}],"predecessor-version":[{"id":9707,"href":"https:\/\/www.lafranja.net\/index.php?rest_route=\/wp\/v2\/posts\/9706\/revisions\/9707"}],"wp:attachment":[{"href":"https:\/\/www.lafranja.net\/index.php?rest_route=%2Fwp%2Fv2%2Fmedia&parent=9706"}],"wp:term":[{"taxonomy":"category","embeddable":true,"href":"https:\/\/www.lafranja.net\/index.php?rest_route=%2Fwp%2Fv2%2Fcategories&post=9706"},{"taxonomy":"post_tag","embeddable":true,"href":"https:\/\/www.lafranja.net\/index.php?rest_route=%2Fwp%2Fv2%2Ftags&post=9706"}],"curies":[{"name":"wp","href":"https:\/\/api.w.org\/{rel}","templated":true}]}}