Fendo Orella | 3 de marzo 2010
Iste miercols viacharemos ta o Matarranya an que trobaremos a os components d’a colla Temps al Temps que nos presentarán o suyo treballo mosical y con qui charraremos una mica d’a mosica d’autor feita en catalán dende Aragón.
http://www.myspace.com/tempsaltemps
Tamién feremos una cronica de cómo se desembolicó a 5ena. Marcha Senderista contra la mina de Borobia que tenió lugar o pasau cabo de semana dentre as localidatz de Calcena y Purujosa.
Charraremos d’a campanya “Isto lo apanyamos dentre totz” con a que toda una ripa de interpresas, multinacionals y bancos son prebando d’amagar a suya responsabilidat d’a situación de crisis actual fendo servir a imachen publica de famosos millonaires que nos alientan a estar positivos debant d’a esferra social que provoca o capitalismo … Fe-te una riseta y no i pienses.
Y quan s’han feito fa poco 34 anyadas de l’engarcholamiento de Leonald Peltier tos parlaremos d’a situación d’iste preso politico indio-americano y de todas as irregularidatz chudicials que son privando-le d’a libertat.
Nos ascuitamos iste miercols a las 19.00 horas, en Radio Topo 101.8 FM y nos veyemos o viernes en a Cincomarzada.
Fendo Orella
Todas as luitas que cullen en una luenga
Miercols de 19.00 a 20.00 horas
RadioTopo 101.8 FM
Si quiers leyer-nos:
http://fendoorella.wordpress.com
Si quiers sentir-nos en mp3:
http://fendoorella.mypodcast.com
http://www.archive.org/search.php?query=fendo%20orella