O nuevo director cheneral de cultura d’Aragon, Humberto Vadillo, da ta fer mas d’un, de dos y de cient posts. As suyas opinions sobre o patrocinio d’a cultura (que niega), u sobre as luengas d’Aragon (que ta ell tampoco no esisten), ya son motius de sobras ta poder creticar o suyo nombramient como director cheneral d’o campo d’a cultura.
Vadillo, que estudio dreito en Zaragoza y marketing, heba feito en a suya cuenta de twitter uns “simpaticos” comentarios sobre as luengas aragonesas (contestando, dentre atros a @cesarlasanta). Visto que en twitter, y dimpues d’a difusion, prencipiaban a no estar guaire populars, Vadillo ha decidiu dar de baxa a suya cuenta, pero como internet ye asinas, encara se pueden veyer asti alfayas como istas.
HumbertoZgz Si eres capaz de presentarme un sólo hablante nativo de aragonés (no modalidades) os invito a comer en El Cachirulo.
HumbertoZgz Dicho de otra forma el aragonés existe como el Klingorn. Es un invento (y estoy seguro de que el klingorn lo habla más gente)
HumbertoZgz Me parece bien q la gente se entretenga con el aragonés o el Alto ëlfico, me basta con q no quieran pagarlo con mi dinero
HumbertoZgz En Aragón hay más hablantes de Klingorn que de “lengua aragonesa” q para empezar no existe.
HumbertoZgz Van a enseñar “lengua aragonesa” en la “Facultad” de Huesca. Cada día más tontos.
Si sotz d’os que pensatz (por dicir de bella traza a isto) como o nuevo Director cheneral de Cultura, cosa millor que veyer bells videos que contrimuestran que l’aragones esiste, y que, atamas d’as persecucions y “os chilos d’o innorant”, continara esistindo si os fablants quieren continar charrando, vivindo, sentindo, aimando, respirando y cantando en aragones.