Istos diyas que en a politica espanyola se torna a sentir charrar d’as diputacions provincials no ye de mas remerar que en Aragon no tenemos quatro livels d’almenistracion, que en tenemos cinco. Dentre as provincias y os concellos tenemos as redoladas, mas amanadas a os ciudadanos y que podrian dixar sin utilidat as diputacions. No ye cosa facil, porque totz tenemos en o tozuelo a division provincial d’o pais, y mesmo a television publica, fueras d’a informacion de l’orache no fa que emplegar as provincias ta identificar as ciudatz y lugars.
Pero como que as redoladas son vivas, dilla d’as institucions, pero contando con ellas y porque ripresentan realidatz que la chent conoxe, me fa goyo charrar de dos iniciativas que no parten de Zaragoza, Uesca u Teruel (como muitas atras), pero que son tamien muestra de que o futuro ye present y que dende as redoladas “no capitalinas” se pueden fer cosas sobreintresants.
Por un costau, Ràdio Matarranya, que con dos horetas de programacion diaria fa un poder por vertebrar ixe territorio dende a suya luenga propia. Informacion local y d’a redolada en a luenga d’a redolada y con qui colaboro una vegada a la semana, os miercols enta la una, charrando d’internet y tecnolochia en l’espacio Buscant Conexió.
Por l’atro, Somonparty, una iniciativa d’a Feria de Balbastro, que ya va por a tercena edicion, y que se fera en as zaguerias d’o mes d’agosto. Somonparty preba d’amanar as tecnolochias y as suyas posibilidatz en a capital d’o Vero y presenta buena ripa d’actividatz sobre TIC’s en tres diyas intensos.
Amas fan un concurso de blogs an que bella presona ha decidiu apuntar istas Purnas, y que, ya que i somos, podetz votar a veyer si plega ta la final. Tamien digo que si a la fin recibo bell premio, iste estara integrament adedicau t’Arredol, o prochecto de diario dichital en aragones que somos prebando de tirar entabant.
Source: Elena Sanz y Raúl Guimerá, reconocidos en Cretas como mejores deportistas turolenses durante la…
Source: Azcón anuncia la creación de un premio que llevará el nombre del torero cretense…
Source: Izquierdo (PAR) reclama al Gobierno de Aragón que «tome la iniciativa ya» para ejecutar…
Source: Transportes adjudica las obras de las estaciones de tren de Chiprana, Nonaspe y La…
Source: El Hotel Torre del Marqués recibe las Tres Llaves, máxima distinción mundial de la…
Source: Cientos de personas adquieren plantero y flores para su jardín en la Feria de…