Nou diari electrònic en aragonès: Arredol

Hola! T’escribo ta recentar-te o nuevo prochecto en que somos triballando y que estara online o venient diya 19 de setiembre. Somos creyando un diario dichital cheneralista en aragones y que leva por nombre Arredol. Nos podetz siguir en twitter (http://www.twitter.com/arredol) y dica que siga encetau puetz veyer bellas cosas d’as que queremos fer en http://www.arredol.com. Una vez que siga operativa, podrás participar ninviando as tuyas noticias d’o tuyo vico, lugar, ciudat u comarca (en qualsiquier idioma, que ya las traduciremos si cal) y fotos ta fer d’ista web un referent informativo en una luenga tant chicota como l’aragonés.

Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural.

Trangos

• Fer un prochecto estable y ubierto a colaboracions
• Espardir a presencia de l’aragones en Internet
• Creyar una plataforma de noticias en una luenga ultraminorizata como l’aragones
• Creyar camins enta un nuevo modelo de medio de comunicacion en Aragon
• Dotar a la sociedat aragonesa d’unatra anviesta sobre a reyalidat sociopolitica d’o pais.

Prenemos a web 2.0 como alazet, una web que tamien creyen y modifiquen os usarios, ta creyar nuevos espacios ta compartir.  Queremos fomentar l’autonomia d’os fablants de l’aragones y creyemos en a participacion ciudadana ta construyir una realidat mental esferent. Queremos construyir nuevos espacios ta l’aragones, en campos no guaire emplegaus, como as noticias, a tecnolochia, a realidat social.

Si queretz colaborar con nusatros, si yes periodista, u t’intresa a comunicacion en aragones, u as dos cosas a la vegada puetz meter-te en contacto con nusatros en o mail, info@arredol.com, en ixe mail tamien mos podetz fer socherencias que creigatz d’intres.

Por cierto, que o nuestro logo y imachen de portalada son obra de Laira Gonzalo.

———————————————————————-
Jorge Romance Burgos

* CV online: http://www.jorgeromance.com