O chemeco d’as parolas: Primers resultaus d’a Lei de Luengas

Seguntes me comentan, ya tenemos uno d’os primers resultaus economicos d’o 2010 y, con él, saludando a la nueva Lei de Luengas: se tallan as subvencions que ya yeran concecidas dende chulio, ta o curso 2009-2010, a os prochectos d’amostranza d’adultos de l’aragonés dica o 30%. Motivo: RECORTE PRESUPUESTARIO (¡?) Ye decir, que en cuentas de fomentar a suya amostranza, no nomás no se ixamplan as aduyas, ni se mira de millorar o estau precario d’a chent que fa un treballo que habría de fer o Gobierno d’Aragón. No, o que se fa ye que 4 días antes de chustificar as subvencions se tallan mesmo as que ya yeran concedidas dende antes de verano!

Ye una noticia depriment y surrealista, tot mirando a resta de subvencions que en o tercer trimestre se regaloron por astí, que fa pena… pero bueno, que lo sepatz, por agora, istas son as midas de promoción, protección y que me sé yo d’una luenga propia d’Aragón como l’aragonés.