En lo momento periodistico que vivimos quasi ni s’amagan las intencions dezaga d’os titulars. En un d’ixos diarios dichitals que tanto amaneixen en grupos de WhatsApp y retz socials, una periodista titulaba “El catalán puntúa como el inglés para elegir plaza en el Ayuntamiento de Zaragoza” con caboliosa intención de fer encarranyar-se a lo publico obchectivo d’ixe medio. A yo, lo puet tener seguro, m’encarranyó prou. ¿Cómo se puet consentir que anglés y catalán den los mesmos puntos? ¿En qué sociedat vivimos? ¿Ye que no somos conscients d’a importancia d’as luengas? Pa yo no i hai discusión posible y a fe que todas las lectoras seretz d’acuerdo que lo catalán habría de dar mas puntos que no l’anglés. Todas dos son luengas igual de respetables como toda la resta, pero qui sabe catalán, antimás de conoixer-ne una, ye colaborando a protecher un patrimonio cultural propio d’Aragón que ye en serio periglo. Ye fendo posible mantener un herencio lingüistico milenario que sobrevive malament en la nuestra tierra, mientras que l’anglés tien la suya supervivencia asegurada. No nomás por estar la luenga de l’imperio, la mas aprendida d’o mundo y una d’as mas fabladas, sino porque, a diferencia d’o catalán, todas las ninas y ninos la estudean obligatoriament en las escuelas encara que no siga una d’as luengas oficials d’Aragón.
Related Posts
Lenguas de Aragón. Un Patrimonio Común: II. Catalán de Aragón – YouTube
- admin
- 20 febrer 2021
- 0 min read
- 0
Tweet
El Gobierno de España no prevé mejorar la línea Barcelona-Caspe – La Comarca
- admin
- 13 desembre 2017
- 1 min read
- 0
TweetSource: El Gobierno de España no prevé mejorar la línea Barcelona-Caspe – La Comarca
Catalunya està envaint l’Aragó | Lo Finestró
- admin
- 1 novembre 2014
- 5 min read
- 0
TweetCatalunya està envaint l’Aragó | Lo Finestró. Estic fins als nassos de comentar noticies […]
Francesc Serés analitza la nova realitat social de Ponent
- admin
- 11 juliol 2014
- 1 min read
- 0
TweetFacebook