Setas, Santismo, biens, arte, Franja, Montearagon, Fatas | Purnas en o zierzo

Encara no he plegau a la pachina 30 de l’Heraldo de huet y ya he abiu de devantar-me d’o sofa y venir ta l’ordinador. Podeba escribir un articlo d’ixos granizos (de grans y tamien de pesaus) con tot o que me ha pasau por a capeza en iste ratet, pero creigo que nomas os titulars ya dixan plateras as cosas.

• A DChA y o bispe de Balbastro se planteyan recurrir l’auto d’os biens. O chuez ha denegau a execucion d’os decretos d’o Vaticano ta que as obras d’arte s’entregasen a lo Bispau de Balbastro. Os biens de fuera.
• S’espalda una paret d’o castiello de Montearagon, d’o sieglo XI. Os biens de dentro.
• 19 procheutos optan a o nuevo Fleta. Mas biens de dentro, bien alzaus, aturaus dende 2003.
• Fatás: “O nacionalismo siempre planteya un problema con a storia, ha de domeñarla“. Manca una parola. Fatás quereba dicir “os atros nacionalismos”, que lo suyo ye l’unico fetén
• Esfensa premite a l’exercito onorar huet a lo Santismo.
• Caye una banda que traficaba con setas alucinochenas. Churo que a rilacion con l’anterior ye l’espacio que ocupan. O no pas?
• Varias amants de mosens demanan a o Papa que se piense a supresion d’o celibato. Ye de dar que istas estaran mayors d’edat.