Kale Borraja: Aragoneses/as!: a Lei de luengas ye muerta

Aragoneses/as!: a Lei de luengas ye muerta

Dende l’aprebación d’a nueva Lei de luengas en Aragón en aviento pasau, a situación de l’aragonés y d’o catalán en iste viello país contina estando igual de penible que antis.
O Consello Superior d’as Luengas encara no s’ha creyau, y ixo que a Lei diz que heba d’haber-se feito en 3 meses. Se conoixen as personas nombradas por a Universidat de Zaragoza y por as Cortz d’Aragón ta iste consello, pero o Gubierno no diz cosa y aquí dica que a las ranas les creixca pel. O Consello ha de creyar as nuevas Academias de l’aragonés y d’o catalán que a saber quan existirán. A lo menos tenemos una Academia de l’aragonés, encara que no siga oficial, creigo que fa buena labor.
Tampoco no enanta a situación en os meyos de comunicación. Aragón TV contina sin fer garra programa en aragonés y/u catalán, cosa que se suposa que diz a Lei que ha d’haber-ne. Ya fación una campanya en que parixeba que prencipiarían, pero ya se sabe, pareixe que o cierzo la habrá aventada. No soy experto en creyar programas de TV y radio, pero me pa que de tiempo n’han teniu ta fer-ne belún, no?
Prou que a situación en as escuelas no ye millor. Se prefieren luengas foranas antis que as luengas d’a tierra. Por qué no tamién as nuestras luengas? L’aragonés y o catalán en Aragón continan estando una falordia, asinas nos va, acotolando a nuestra cultura!
Ye esclatero que no podemos confitar en os politicos ta rebiscolar as nuestras luengas, a nuestra cultura, hemos d’estar nusatros y nusatras qui lo faigamos. Aspero que en tornar d’o verano as asociacions en esfensa d’a cultura y as luengas d’Aragón prencipien a fer presión como cal, por que isto pareixe que no va a cambear cosa.
Aragoneses/as!: a Lei de luengas ye muerta.

Desde la aprobación de la nueva Ley de lenguas en Aragón en diciembre pasado, la situación del aragonés y del catalán en este viejo país sigue estando igual de penosa que antes.
El Consejo Superior de las Luengas aún no se ha creado, y eso que la Ley dice que tenía que haberse hecho en 3 meses. Se conocen las personas nombradas por la Universidad de Zaragoza y por las Cortes de Aragón para este consejo, pero el Gobierno no dice nada y aquí hasta que a las ranas les crezca pelo. El Consejo tiene que crear las nuevas Academias del aragonés y del catalán que a saber cuando existirán. Al menos tenemos una Academia del aragonés, aunque no sea oficial, creo que hace buena labor.
Tampoco avanza la situación en los medios de comunicación. Aragón TV sigue sin hacer ningún programa en aragonés y/o catalán, algo que se supone que dice la Ley que tiene que haber. Ya hicieron una campaña en que parecía que comenzarían, pero ya se sabe, parece que el cierzo la habrá tirado. No soy experto en crear programas de TV y radio, pero me parece que tiempo han tenido para hacer alguno, ¿no?
Por supuesto que la situación en las escuelas no es mejor. Se prefieren lenguas foráneas antes que las lenguas de la tierra. ¿Por qué no también nuestras lenguas? El aragonés y el catalán en Aragón siguen siendo un cuento, así nos va, acabando con nuestra cultura!
Está claro que no podemos confiar en los políticos para reanimar nuestras lenguas, nuestra cultura, tenemos que ser nosotros y nosotras quienes lo hagamos. Espero que al volver del verano las asociaciones en defensa de la cultura y las lenguas de Aragón comiencen a hacer presión como es necesario, por que esto parece que no va a cambiar nada.
¡Aragoneses/as!: la Ley de lenguas ha muerto.

Kale Borraja: Aragoneses/as!: a Lei de luengas ye muerta.

Social Widgets powered by AB-WebLog.com.

La Franja