Si ista imachen que pego cobaxo ese amanexiu en bell diario catalan ye probable que l’Heraldo ese feito bell editorial sobre o tema, a television autonomica aragonesa ese preguntau a os politicos y mesmo bell abogau ese prencipiau a escribir una demanda.
Mequinensa a l’atro costau d’a muga
Detalle d’o paso d’a muga
O mapa ye d’un articlo sobre o trazado d’una linea d’alta tension que presentara Red Electrica Espanyola. Rechirando por a web de Red Electrica he trobau o mapa orichinal que podez consultar en PDF y an Mequinensa sale a lo costau correcto d’a muga autonomica. Ye dicir que a colocacion de Mequinensa a l’atra banda ye una error de l’Heraldo.
Ye fuera de duda que Heraldo no ha quiesto tener a intincion de ceder Mequinensa a Catalunya, pero no dixa d’estar curioso que un periodico que ha feito un arte de trucar o ficacio d’a chent con “as errors” intencionals u no pas de bells catalans sobre a storia y a cheografia tienga agora ista esbarafundiada “pancatalanista“.
Esvielle: Por cierto, que huei en a edicion de paper sale un articlo de Carlos Sauras, precisament, charrando d’a “manipulacion” y ixas cosas malismas. Sauras ye especialista en istos articlos con verdatz a meyas.