Una atra añada más plega a Troca de Nabidá. A Tronca ye una tradizión aragonesa muito antiga de Nabidá. Antis más se creyeba que a leña que se i cremaba en a nuei de Nabidá yera maxica, perque trayeba os presens ta os/as ninos/ninas y os/as grans. Ye a toza más gran d´a leñera. Gosaba estar bueda u con bella radera t´alzar en a suya corada u arredol os presens que se i repartiban en a Nuei Buena. Cuan se ficaba en o fogar yeran os ninos os encargaus de fer soltar a carga a base de trucazos repetius, que chunto a las frases, bendizions, rituals y as purnas que con cada trucazo saliban d´o fuego yeran a calor familiar y maxica d´una fiesta ancestral como la de o solsticio d´ibierno.
Dende o Curso d’Aragonés queremos embitar-te á recuperar con nusatros ista polida tradizión, y compartir una beilata anque pretaremos fuego en os nuestros prexinallos.
Ya en lebamos 5 edizions y cada begata puyamos más o ran d’autuazions. Ista añada contamos con a presenzia de María José Hernández una d’as bozes aragonesas que pega más fuerte con un ran d’autuazions i colaborazions gran, mesmo en Barzelona en o Festibal de Barnasants. Presentará o suyo zaguer triballo “Señales de humo”. Antimás tendemos a colaborazión de Furo, d’o grupo Dechusban, con o suyo formato d’espeutaculo “No más que solenco”.
Como podez beyer en o cartel bi ha toda a infornazión. En todo caso si tos quierez meter en contacto con yo ta apuntarse a ra zena aquí tenez o mío teléfono. (Arturo: 610632439)
Goyosa Nabidá y Güena Añada ta os que no mos beyamos!
Salú!
Colla Charradors “O Corrinche”.
TRONCA’2011
21:30. Zena aragonesa
Menú nabideño (25€)
23:00.Bendizión d’a Tronca
Traye o tuyo presén!
23:30. María José Hernández en concierto + No más que solenco
Entrada (5€)
Centro Aragonés de Barcelona
C/ Joaquín Costa, 68
Tel. 93 317 58 54
biblioteca@centroaragones.org